Deall eich sgôr

Scoring

Gwiriwr symptomau iselder (PHQ-9)

0-4

Mae’n edrych fel ti’n wneud yn iawn. Pam ddim edrych o gwmpas adnoddau #WASTCadwSiariad, yn enwedig yr adnoddau i helpu pobl i gadw’n iach. Gallwch hefyd ddefnyddio’r porth i ddysgu mwy am iechyd meddwl a sut i helpu rhywun a allai fod yn ei chael hi’n anodd.

Awgrym: oeddech chi’n gwybod? Mae rhai o’n cydweithwyr wedi rhannu eu profiadau o sut i gadw’n feddyliol yn dda. Ddysgu mwy.

 5-9

Efallai eich bod chi’n teimlo’n iawn heddiw, ond y peth gorau yw cadw llygad ar eich cynnydd. Efallai y byddwch chi’n meddwl am ddefnyddio adnoddau Reading Well Wales i helpu pethau i wella. Cofnodwch eich sgôr o heddiw ymlaen a dewch yn ôl mewn pythefnos ac ailaseswch y sefyllfa gan ddefnyddio’r un teclyn.

Fe ddylech chi feddwl am gyrchu CBT ar-lein neu fath arall o therapi os nad yw pethau wedi gwella i chi yn ystod y pythefnos nesaf.

Awgrym: Rhowch nodyn atgoffa yn eich dyddiadur i ddod yn ôl ac ailadrodd yr holiadur

10-14

Efallai eich bod chi’n cael trafferth ar hyn o bryd ac mae hynny’n iawn.

Dylech feddwl am gysylltu â’ch meddyg teulu i gael asesiad llawn o’ch iechyd meddwl a chael mynediad at CBT ar-lein (neu fath arall o ymyrraeth a awgrymir ar y porth hwn). Efallai y bydd hyn yn eich helpu chi. Ewch draw i’n hadran ‘Dwi angen help nawr’ i ddysgu mwy am yr hyn sydd ar gael. Os ydych chi’n meddwl am hunanladdiad neu hunan-niweidio, ceisiwch help ar unwaith.

Awgrym: gall gwneud gwahanol bethau ee ymarfer corff helpu i wella iechyd meddwl hefyd. Beth am roi cynnig ar daith gerdded fer bob dydd a defnyddio’r gwiriwr symptomau hwn eto i weld a yw pethau wedi gwella?

15+

Mae’n amlwg bod angen cefnogaeth arnoch chi, ac mae digon ar gael i chi.

Fe ddylech chi siarad â rhywun rydych chi’n ymddiried ynddynt ynglŷn â sut rydych chi’n teimlo ar hyn o bryd, eich priod, partner neu ffrind. Dylech geisio cymorth trwy eich meddyg teulu, meddyg teulu y tu allan i oriau neu 111.

Os ydych chi’n meddwl am hunanladdiad neu hunan-niweidio, ceisiwch help ar unwaith. Peidiwch ag oedi cyn ffonio’r Samariaid os ydych chi ar bwynt argyfwng. Gallant gymryd eich galwad 24 awr y dydd, saith diwrnod yr wythnos. Ffôn rhydd 116 123 nawr i gychwyn ar eich taith i adferiad.

Awgrym: os nad yw siarad dros y ffôn yn addas i chi, bydd llawer o ganghennau’r Samariaid yn gweld pobl yn bersonol. Ddysgu mwy.

 

Gwiriwr symptomau pryder (GAD-7)

 0-5

Mae’n edrych fel eich bod chi’n gwneud yn iawn. Beth am edrych o gwmpas ein hadnoddau #WASTCadwSiariad, yn enwedig yr adnoddau i helpu pobl i gadw’n iach. Gallwch hefyd ddefnyddio’r porth i ddysgu mwy am iechyd meddwl a sut i helpu rhywun a allai fod yn ei chael hi’n anodd.

Awgrym: Oeddet ti’n gwybod? Mae rhai o’n cydweithwyr wedi rhannu eu profiadau. Ddysgu mwy.

6-10

Efallai eich bod chi’n teimlo’n iawn heddiw, ond y peth gorau yw cadw llygad ar eich cynnydd. Efallai y byddwch chi’n meddwl am ddefnyddio adnoddau Reading Well Wales i helpu pethau i wella. Beth am ddod yn ôl mewn pythefnos ac ailasesu’r sefyllfa ar ôl i chi roi cynnig arni?

 Fe ddylech chi feddwl am gyrchu CBT ar-lein neu fath arall o therapi os nad yw pethau wedi gwella i chi yn ystod yr wythnosau nesaf.

 Awgrym: Rhowch nodyn atgoffa yn eich dyddiadur i ddod yn ôl ac ailadrodd yr holiadur

 11-15

Efallai eich bod chi’n cael trafferth ar hyn o bryd ac mae hynny’n iawn.

Dylech feddwl am gyrchu CBT ar-lein neu fath arall o therapi. Ewch draw i’n hadran ‘Dwi angen help nawr’ i ddysgu mwy am yr hyn sydd ar gael.

Os ydych chi’n meddwl am hunanladdiad neu hunan-niweidio, ceisiwch help ar unwaith.

Awgrym: peidiwch ag aros i weld a yw pethau’n gwella – ceisiwch help nawr

16+

Mae’n amlwg bod angen cefnogaeth arnoch chi, ac mae digon ar gael i chi.

Fe ddylech chi siarad â rhywun rydych chi’n ymddiried ynddynt ynglŷn â sut rydych chi’n teimlo ar hyn o bryd, eich priod, partner neu ffrind. Dylech geisio cymorth ar unwaith trwy eich meddyg teulu, meddyg teulu y tu allan i oriau neu 111.

Peidiwch ag oedi cyn ffonio’r Samariaid os ydych chi ar bwynt argyfwng. Gallant gymryd eich galwad 24 awr y dydd, saith diwrnod yr wythnos. Ffôn rhydd 116 123 nawr i gychwyn ar eich taith i adferiad.

Awgrym: os nad yw siarad dros y ffôn yn addas i chi, bydd llawer o ganghennau’r Samariaid yn gweld pobl yn bersonol. Ddysgu mwy.

WEMWBS

Sgorio dros 59? Mae rhai pobl o’r farn bod hyn yn arwydd o les meddyliol da iawn – beth bynnag rydych chi’n ei wneud, daliwch ati!

Sgorio rhwng 51 a 58? Mae hyn yn dal i fod yn iechyd meddwl eithaf da, a dylech feddwl am gadw llygad ar hyn trwy ailadrodd y prawf o bryd i’w gilydd er mwyn sicrhau eich bod yn parhau i wneud yn iawn.

Os ydych wedi sgorio llai na 50, dylech feddwl am gymryd y gwirwyr symptomau iselder a phryder, oherwydd gall sgorio islaw hyn fod yn arwydd o iselder. Efallai y byddwch chi’n meddwl am ddefnyddio adnoddau ‘Reading Well Wales’ i helpu pethau i wella.

Gallech feddwl am gyrchu CBT ar-lein neu fath arall o therapi. Cymerwch gip o amgylch porth WASTCadwSiariad i ddysgu mwy am yr hyn sydd ar gael.

Awgrym: Beth am ddechrau sgwrs heddiw? Siaradwch â ffrind, cydweithiwr neu rywun annwyl am sut rydych chi’n teimlo.